E N D L G VICENTE OTERO VALCARCEL
Pesquisar este blog
28 de out. de 2016
SAMAÍN 2016
O verán xa rematou e comezou o outono, época das vendimias, das castañas e, como non, de Samaín. Como sabedes esta festa celébrase na noite do 31 de Outubro, data na que comezaba o aninovo celta.
Hoxe na escola queimamos os nosos medos coa axuda dun mago bo. A continuación entregamos os premios aos gañadores do concurso de cabazas.
As nosas felicitacións a todos/as os/as nenos/as que participaron e as súas familias polo esforzo realizado.
17 de mai. de 2016
LETRAS GALEGAS 2016
A Real Academia Galega adícalle este ano, polo seu compromiso co idioma galego, o Día das Letras de 2016 a Manuel María.
Manuel María Fernández Teixeiro , naceu en Outeiro de Rei, na Terra Cha luguesa, en 1929.
Destacou polo seu carácter reivindicativo e polo seu compromiso político e cultural co nacionalismo galego.
O seu primeiro libro de poemas “Muiñeiro de brétemas” editouno con só 21 anos.
É autor dunha morea de libros, utilizando todos os xéneros literarios: poesía, narrativa, teatro... sendo un dos poetas galegos máis musicados de todos os tempos.
12 de mai. de 2016
CORRELINGUA 2016
2 de mai. de 2016
INTERCAMBIO CO CEIP SAN MIGUEL DE REINANTE BARREIROS
Durante este curso o Equipo de Normalización Lingüística e a titora de 6º, Andrea, programamos un intercambio entre o alumando de 6º de Ed. Primaria do CEIP Vicente Otero Valcárcel co alumnado de 5º e 6º de Ed. Primaria do CEIP San Miguel de Reinante Barreiros de Lugo.
O pasado martes tivo lugar, en Carral, o primeiro encontro coa visita do alumnado e profesorado de dito centro. Para comezar participamos na elaboración de pan nunha panadería da zona.
Despois fixemos a Ruta de Costa da Egoa ata os Muiños e o Pazo das Cadeas.
28 de abr. de 2016
"ESPANTALLO AMIGO"
Hai unhas semanas a Concellería de Cultura do Concello de Carral repartiu entre o alumnado de Educación Primaria 200 exemplares do libro “Espantallo amigo” de Xosé Neira Vilas. Hoxe, os alumnos de 3º, 4º, 5º e 6º de Ed. Primaria asistiron a representación teatral inspirada nesta obra a cargo da compañía Os Quinquilláns.
20 de abr. de 2016
Día do libro. Contacontos na Biblioteca Municipal de Carral
O próximo sábado, 23 de abril, é o Día do Libro. Co gallo desta celebración, os nen@s de Ed. Infantil, achegámonos a Biblioteca Municipal de Carral, onde nos atopamos coa gran Lili Gruyére. Pasámolo moi ben escoitando os contos “Aínda nada?” e “ Como cada mañana”. Tamén cantamos e bailamos ao son de “Té chocolate café”.
13 de abr. de 2016
CONTACONTOS PARA EDUCACIÓN INFANTIL: FELIZ FEROZ
Hoxe, os nenos e nenas de Educación Infantil disfrutaron dunha sesión de contacontos grazas a Editorial Xerais.
Pasárono xenial escoitando a historia: FELIZ FEROZ: o lobiño riquiño
25 de fev. de 2016
DÍA DE ROSALÍA
31 de jan. de 2016
Xa está chegando o entroido e no cole imos celebralo dende mañá cos mandatos do Meco que son os seguintes:
O luns, para comezar, algo na cabeza tes que levar.
O martes no teu pescozo colgarás un pano, unha gravata ou un colar.
O mércores na túa roupa prenderás catro pinzas de cores sen igual.
O xoves si que vai molar, nos teus pés algo diferente traerás.
O venres, para rematar, poñerás o teu disfraz.
LEMBRADE QUE É ACUMULATIVO!!
7 de jan. de 2016
TARXETAS DE NADAL
Despois duns días de vacacións hoxe tocou volver ás aulas. A última semana antes de marcharnos tivo lugar no cole o concurso de tarxetas de Nadal, no que participaron moitos alumnos e alumnas. Eran todas moi bonitas pero tivemos que escoller unha que foi coa que se felicitaron as Festas a toda a comunidade educativa. A autora da tarxeta elixida é Nerea Fernández Fachal da clase de 2ºB. Parabéns !!
3 de nov. de 2015
SAMAÍN 2015
O xoves pasado celebramos o samaín. Cada grupo preparou un conto, canción, poesía relacionados coa temática para representar aos compañeiros.
Tamén tivemos un concurso de cabazas. Entregámoslle un diploma a cada participante e un agasallo ao gañador de cada nivel.
Grazas as familias pola vosa colaboración.
8 de set. de 2015
19 de out. de 2014
SAMAÍN 2014 NO CPI VICENTE OTERO
Este ano celebramos o Samaín por todo o alto. Se premes AQUÍ terás acceso ao noso cartel de actividades. Podes completar a información, clicando sobre o PROGRAMA. Ademais, lembra que tes moitos recursos para traballar o Samaín na túa clase no seguinte enlace da Aula Virtual do noso centro.
17 de jun. de 2014
12 de mar. de 2014
ENTREGA DE PREMIOS DOS CONCURSOS DE CALENDARIO E DA CANDELORIA
Assinar:
Postagens (Atom)